Pfitschigogerl

Des oideawüadige Gschbü griagt a neichs digidales Gsichd

Di Wien Energie und da SK Rapid Wien hom in oideawüadign Dischgschbü Pfitschigogerl a neichs digidales Gsichd gebm. Am Hendi und im Neds kenan d Leid genganaunda schbün, mid a Bissal an Glick in Highscore fom Monad dsabresln und wöd Breise ooschdaubm. Di App is fia Smartphones und Tablets, gaunds wuaschd ob Android oda iOS, und im Gsichtsbuach kaunstas aufruafm aa.

A Disch, dswa Lineäu und a boa Mündsn - so homma Pfitschigogerl in da Schui gschbüd, earinnads eich no? Di Wien Energie und da SK Rapid Wien ham des Schbü modeanisiad und ins digidale Dseidoita ghoid. Du kaunst da Pfitschigogerl fo Google Play oda fom iTunes-Store umasunsd owalodn. Im Dreningsmodus kaunst gengan Blechdrottl schbüdn, befua du di med di aundan Leid messn wüsd. Fia r a jeds Goi gibds Bunkte - med a Bissal an Glick und med an gschicktn Schbü kummst auf di Schbidse fon da Highscore-Listn.

Des Gschbü is fon da Wien Energie endwikld und fon da Agentur crossconnect GmbH umgesetsd wuan. Es hod füle Features, di wos dadsua beidrogn, dass des Schui-Earlebnis wida lewentich wiad: Ös soits owa aa a beafekte Schdadionschdimmung hom, und dearawegn wiad a jede Bati med original Fan-Liadan fo di Rapid-Fans untamoid. Di Seitenbanner san so ois wia in an echtn Schdadion ausdauschboa. Wea bsundas füle Matches gwinnt, dea deaff si iwa SK Rapid-Schbüschdana gfrein.

Am End fon an Monad winkn leiwaunde Breise fian Owasdn in da Besdnlistn: signiate Fuasboina, VIP-Koatn fia r a Fuasboimatch und Dewodsionalien ausn Rapid-Fan-Shop.

Alexandra Radl, Marketingleiterin fon da Wien Energie sogt: "Mit dem digitalen Pfitschigogerl wollen wir einen österreichischen Gesellschaftsspiel-Klassiker, der an das Fußballspiel angelehnt ist, online wiederbeleben. Die Urform des Tischfußballs ist einfach zu spielen und damit ein allseits beliebtes Geschicklichkeitsspiel."

"Mit der Onlineversion von Pfitschigogerl können wir unseren Fans einen Spieleklassiker anbieten, der - egal ob offline oder online - bereits Generationen in seinen Bann gezogen hat!", gfreid si Sebastian Pernhaupt, Leiter Sponsoring/Marketing SK Rapid, iwa des Projekt med da Wien Energie.

http://www.pfitschigogerl.at/
Pfitschigogerl iOS App: hier
Pfitschigogerl Android App: hier

Extrawürstel