Da Rapid-Lauf

Im Joa 2012 hod s dsan easchdn Moi in Rapid-Lauf gebm, heitigndogs dsöd a scho dsua schbuadlichn Dradidsiaun fon da Rapid. Jeds Joa gaunds frua im Summa reidn dausende Leid, di wos gean schuarln, im Broda ei.

Di Schuarlarei is fia olle, gaunds wuaschd wia oid. Di glanan Rapid-Fans rennan in drei Obdäulungen, je nochdem wia oid se san. Noadig Wouka, oda wia di hassn, san aa do. A Däu fom Rapid-Lauf is a Team-Beweab, wo si bis dsu drei Leid dsom duan.

Des Heats fo dem Event is da glassische, grien-weisse Haubdlauf iwa mea ois fimf Kilometa fom Happel-Schdadion in di Broda Haubdallee und dsruck ins Innare fom Schdadion. Des ollas bei besda Lauf- und Fuasboi-Kultua. Sound-Kulissen simulian kwasi an Schbüdog - da Klubservice-Leiter, da Marek Andy, gibd ollas duach, und Fan-Liada wean iwa di Laudschbrecha eigschbüd.

A Farein dsan Aungreifn - des is des Ansa-Gsatsl fon da Rapid, und es güd a bein Rapid-Lauf. Gika fon da Easchdn schuarln bei di Gschroppm oda im Haubdlauf mid. Aundare Schbüla schreibm Autogramme und fadäun bei da Siegerehrung gemeinsom med di Owastn fom Farein di Preise. Di Gschroppm kenan si auf Luftbuagn und bein Doawondschiassn ausdobm.

Da Rapid-Lauf is indswischn so a Insdidutsion wuan, dass ned nua dswadausnd Fans midduan - und es wean Joa fia Joa mea - sundan aa a gaundsa Hauffm wöd Adletn aus da internadsionaln Laufszene.

Wea däunimmt, griagt am End a Uakund und a Medailie. Unter dem Motto "Laufn – Schbendn - Feian" ged jeds Joa a Däu fon di Startgöda aun a karitadife Organisadsion. Im Joa 2015 hod da President, da Krammer Michael, 5.520 Euro an di "Heartbeat Foundation" iwawiesn, a Organisadsion, di wos aufn bletslichn Heatsdod im Schbuad aufmerksom mocht und aa brewendif wos duad.

Da Rapid-Lauf is a schena Beweis dafia, dass di Rapid an schbuadlichn Wülln hod, owa a sodsiales Gwissn aa.

Wea mea wissn wü, dea schaud si auf www.rapidlauf.at a bissal um. Durt gibds Büda fon di ledsdn Joa. Auf unsara Webseitn findsd rechtdseidig des gaundse Drumhearum fias Aumödn.


Mehr als 3000 Wörter und Wendungen des Wienerischen finden Sie in diesem Buch!

Mit Textbeispielen aus Wienerliedern, Austropop-Schlagern, beliebten Kabarettprogrammen und vielem mehr. Als Draufgabe gibt es Informationen über die Wortherkunft nach neuestem Stand der Wissenschaft. Ein unentbehrliches Nachschlagewerk, das Wissen vermittelt und zugleich köstlich amüsiert.

Robert Sedlaczek
Wörterbuch des Wienerischen
In Zusammenarbeit mit Melita Sedlaczek
318 Seiten, € 12,95
ISBN 978-3-85218-891-1
Haymon Verlag

Link zum Buch

Wöatabiachl

Offidsiöla Online Fanshop

Fanschal

Eksdrawiaschdl