Di Bfoawisn
Mia schreibm des Joa 1911. Da SK Rapid hod in Rudolfsheima Schbuatblots nimma dadsoin kena und di Stadt Wien hod in Bochtfadrog aufkindigt. Owa do is da Retta fon da Rapid kumma, da Schönecker Dionys. Sei Bruada, da Schönecker Edi, woa söwa a Schbuatla. Da Edi is 1908 in London bei di Olympischen Spiele ois a Schbrinta midgschuarld, und ea woa a berimpta Architekt und Baumasda r aa.
So hods aungfaungt
Auf da Bfoawisn woa Blots fia 4.000 Leid, owa a Wäu drauf san 8.000 ins Schdadion einebofld. Weng den is di Bfoawisn im Joa 1920 und im Joa 1921 fagressad wuan. Nocha hom 20.000 ins Schdadion einebassd.
Masda in ana Dua
In SK Rapid hod di neiche Hamschdettn guad daun. Bis dsan Joa 1923 is di Rapid ocht Moi Masda wuan, nua fia Moi hods ned kloppt. Danebm is da Klub 1919 easchda Cupsiega wuan und hod a Joa drauf in Ditl fadeidigd.
A Generationsweksl in da Mittn fon di 20er Joa hod Rapid schwa dsu schoffm gmocht. Owa di Buaschn aus Hittlduaf hom se wida dafaungt.
Da Mitropacup-Sieg 1930
Seidn 1927er Joa gibds in Mitropacup - des woa da Fualeiffa fom Europacup, owa es hom nua Maunschoftn aus Mittleuropa däugnumma. Im easchdn und im dsweitn Joa is di Rapid bis ins Finale kumma, se hom owa geng Sparta Prag und Ferencváros Budapest faluan. Im Joa 1930 woa di junge Maunschoft so weid, dass in Mitropacup gwunna hod. Da SK Rapid hod in dswa hasse Batin Sparta Prag nidagrungan. Di Masdaschoft homs aa gwunna, es woa a muads Saison, ane fo di besdn iwahaupt.
25 Masdaditl in 66 Joa
Bis dsan Joa 1977 hom di Rapidla auf da Bfoawisn gikt. In ned gaunds 66 Joa is di Rapid 25 Moi Masda wuan, hod nein Moi in Cup gwunna und is a Mythos wuan, dea bis dsan heitign Dog lewentich is.
Mehr als 3000 Wörter und Wendungen des Wienerischen finden Sie in diesem Buch!
Mit Textbeispielen aus Wienerliedern, Austropop-Schlagern, beliebten Kabarettprogrammen und vielem mehr. Als Draufgabe gibt es Informationen über die Wortherkunft nach neuestem Stand der Wissenschaft. Ein unentbehrliches Nachschlagewerk, das Wissen vermittelt und zugleich köstlich amüsiert.
Robert Sedlaczek
Wörterbuch des Wienerischen
In Zusammenarbeit mit Melita Sedlaczek
318 Seiten, € 12,95
ISBN 978-3-85218-891-1
Haymon Verlag